Македонија :: Паника од сида

23.09.2010, 11:14

НАЈГОЛЕМИОТ ЗАТВОР НЕ ЗНАЕ ШТО ДА ПРАВИ СО ХИВ ПО­ЗИ­ТИ­ВЕН ОСУДЕНИК

Паника од сида во Идризово

Во амбулантата во КПД "Идризово", од пред неколку дена, на издржување затворска казна е осуденик од Скопје, носител на ХИВ вирусот. Опас­нос­та да ја пренесе болеста на други затвореници е голема, бидејќи но­си­те­лот на вирусот на сида е наркозависник, а според статистиките, над 50 от­сто од осудените лица во "Идризово" се зависници од дрога

Во амбулантата во КПД "Идризово", од пред неколку дена, на издржување затворска казна е осуденик од Скопје, носител на ХИВ вирусот. Опас­нос­та да ја пренесе болеста на други затвореници е голема, бидејќи но­си­те­лот на вирусот на сида е наркозависник, а според статистиките, над 50 от­сто од осудените лица во "Идризово" се зависници од дрога.
Спо­ред лекарите во Затворот, во последните 20 години ова е втор случај на издржување казна да дојде болен од сида. Таквите случаи биле мно­гу ретки.
Спо­ред медицинска екипа од затворската амбуланта, заразениот осу­де­ник, откако бил спроведен, ниту еден момент не дошол во контакт со ос­та­на­ти­те затвореници, веднаш му бил извршен преглед, по што бил сместен во посебна просторија во амбулантата, во услови кои се потребни за трет­ман на тешката заразна болест. Собата каде што е сместен, ќе се тре­ти­ра како дел од затвореното одделение, бидејќи Затворот, до претстојното ре­но­ви­ра­ње од корен, нема услови поинаку да ги третира овие заболени осу­де­ни­ци.
"Хив позитивниот осуденик во никој случај нема да биде сместен со ос­та­на­ти­те лица во затворениот дел, за да не се доведат тие во опасност од за­ра­за. Во никој случај тој нема да биде оставен таму ни сам зад решетки. Не­ма да биде дискриминиран. Казната ќе ја издржува во посебна прос­то­ри­ја во амбулантата каде што е под засилен лекарски надзор", вели д-р Тре­нев­ски од затворската амбуланта. Притоа тој порачува дека не треба од ХИВ позитивниот случај да се прави паника.
"Опа­сен е ако како зависник зема хероин по интравенозен пат. Сидата се пре­не­су­ва преку крвта. Осуденикот е поставен на метадонска терапија, се­кој ден му се укажува колку е важно да остане на терапијата со таблети и оти ако проба да земе дрога со игла, може да зарази други луѓе, што е круп­но кривично дело", вели д-р Треневски.
За министерот Михајло Маневски најважно е останатите во Затворот да не дој­дат во опасност од заразата. Во новиот затвор кој ќе се гради, вели Ма­нев­ски, за вакви случаи ќе има посебни павилјони, во рамки на медицинскиот цен­тар кој ќе се изгради, за да се шетаат во павилјонот, а не во другите де­ло­ви.
То­ни Менкиновски од Хелсиншкиот комитет за човекови права, пак, смета де­ка и ХИВ позитивните затвореници ги имаат истите човекови права како и останатите затвореници, и оти не треба тие да бидат одделени од дру­ги­те и изолирани. Тој смета дека тие треба да бидат на едно купче и да ко­му­ни­ци­ра­ат со останатите од одделението каде што се упатени да ја из­др­жу­ва­ат казната.
"Проб­ле­мот, според мене, е што затворениците немаат посебна медицинска гри­жа и здравствено осигурување во Затворот. Место таа ингеренција да е под Министерството за здравство, оставено е Министерството за правда да им плаќа на осудените лица за лекување, да вработува лекари и слич­но. Тука е основниот проблем", смета Менкиновски.
С. К.Делевска
фо­то: Б. Грданоски